ដោយ :បន្ទាយ
បន្ទាយមានជ័យ ៖ កសិករម្នាក់ក្នុងគ្រួសារជីវភាពក្រីក្រលំបាកស្រាប់ បានរងគ្រោះស្លា.ប់ដោយសារពស់ស្រករចាស់ចឹក ដែលហេតុការណ៍នេះកើតឡើងកាលពីយប់ថ្ងៃទី ២៤ខែសីហាឆ្នាំ២០២៤ នាវាលស្រែចម្ការក្នុងភូមិទ័ពសៀម ឃុំស្លាក្រាម ស្រុកស្វាយចេក ។
មន្ត្រីអាជ្ញាធរនិងសមត្ថកិច្ចនគរបាលឃុំឲ្យដឹងថា : កសិកររងគ្រោះមានឈ្មោះដារ ភេទប្រុស អាយុខ្ទង់៣០ឆ្នាំ រស់នៅភូមិកាប់ចោរ ឃុំភូមិថ្មី ស្រុកថ្មពួក។
ប្រភពបានបន្តថា : មុនពេលគ្រោះថ្នាក់ ជនរងគ្រោះនេះរស់នៅក្នុងគ្រួសារមានជីវភាពខ្វះខាត បានចេញទៅវាលស្រែ ចម្ការដូចសព្វ១ដងដើម្បីឆ្លុះចាប់កណ្តូប កណ្តុរ។ប៉ុន្តែលើកនេះត្រូវពស់ស្រកាចាស់ចឹកបណ្តាលឲ្យស្លាប់ ។
ចំពោះការសង្គ្រោះមិនបានអាចបណ្តាលមកពី៖ ១-កម្រិតពឹសពស់ស្រកាចាស់ប្រភេទប៉ះពាល់សរសៃប្រសាទ ហើយពឹសច្រើន(វាមិនទាន់ចឹកសត្វឬប្រើប្រាស់), ២-មិនមានគេដឹងនិងនាំទៅសង្គ្រោះបានទាន់ពេល ៕